Almatyda 1 qańtardan bastap «Sergek» kameralary iske qosylady

ALMATY. QazAqparat – 2020 jyldyń 1 qańtarynan bastap Almatyda «Sergek» beınebaqylaý kameralary iske qosylady dep habarlaıdy QazAqparat tilshisi Almaty qalasy polıtsııa departamentiniń baspasóz qyzmetine silteme jasap.

Megopolıs kóshelerinde 400 jańa kamera iske qosylady.

«Bul kameralar jol júrý erejesin buzǵandardy anyqtaıdy. Ásirese jyldamdyqty asyrý, baǵdarshamnyń qyzyl túsine ótý, jol belgileri talaptaryn oryndamaý, aıaldama erejeleri nemese toqtaý erejesin buzý, sonymen qatar qoǵamdyq kólik jolaǵyna shyǵyp ketý sııaqty ereje buzylǵan jaǵdaıdy tirkeıdi», - delingen habarlamada.

Polıtsııa júrgizýshilerdi jol erejelerin qatań saqtaýǵa shaqyrady.