Almatyda №1 qalalyq klınıkalyq aýrýhanada juqpaly akýsherlik bólim ashyldy
Aýrýhananyń basqarma tóraǵasy Ernest Qalıevtyń aıtýynsha, qaladaǵy epıdemıologııalyq ahýaldyń nasharlaýyna baılanysty bıylǵy jyldyń 20 qańtarynan bastap, juqpaly akýsherlik bólimshesi ashyldy.
«Akýsherlik bólim júkti áıelderge, bosanǵan áıelderge jáne júktilik kezinde 22 aptadan 36 aptaǵa + 6 kúnge deıin koronavırýs ınfektsııasy bar bosanatyn áıelderge jumys isteıdi. 80 tósek orynmen jabdyqtalǵan, onyń ishinde 8 eresekterge arnalǵan reanımatsııa tósegi jáne bólek akýsherlik operatsııalyq bólmesi bar, jańa týylǵan nárestelerge arnalǵan reanımatsııa bólimi 6 kerýet. Bosaný bólimshesin qamtamasyz etý men jabdyqtaýǵa Almatydaǵy barlyq perzenthanalar men kópsalaly aýrýhanalar úlken kómek kórsetti», - dedi Almatydaǵy №1 qalalyq klınıkalyq aýrýhananyń basqarma tóraǵasy, bas dárigeri Ernest Qalıev.
Aýrýhanada kompıýterlik tomografııa, ýltradybystyq dıagnostıka, spırografııa júrgiziledi. Emdeý mekemesi ortalyqtandyrylǵan medıtsınalyq ottegimen qamtamasyz etilgen.
COVID-19 juqtyrǵan júkti áıelder men olardyń jańa týǵan náresteleri mamandandyrylǵan kómekke muqtaj bolýy múmkin jáne №1 qalalyq klınıkalyq aýrýhananyń akýsherlik bólimshesi olardyń mundaı kómekti alýyn qamtamasyz etedi.
Akýsherlik bólimshesiniń basshysy Sáýle Qabylovanyń aıtýynsha, Almaty qalasynyń barlyq perzenthanasy men densaýlyq saqtaý mekemesi, 3-shi deńgeıli perınataldyq kómekti (ıaǵnı, shala týylǵan óte jas náresteler men aýyr júkti áıelder men bosanǵan áıelderge) uıymdastyrýǵa jan-jaqty kómek kórsetti.
« Koronavırýs júkti áıelderdiń merziminen buryn bosanýyna ákelýi múmkin. Sonymen qatar, COVID-19 ásirese júkti jáne jańadan bosanǵan áıelderge tán stress pen alańdaýshylyq deńgeıin arttyrady jáne osyndaı kezde medıtsına mamandary júkti áıelderdiń qajettilikterine jaýap berýde saýatty jáne jaýapty bolýy kerek ekendigin eskerý mańyzdy»,- deıdi Sáýle Qabylova.