Almatyda 1 400-den astam eki qabatty úı buzylady
«Almaty qalasynda eski úılerdi buzýǵa qatysty baǵdarlama jasalyp jatyr. Ony «PKS» JShS ázirledi. Qazirgi ýaqytta baǵdarlamany barlyq múddeli taraptar maquldaý ústinde. Qazirgi málimet boıynsha, megopolıs aýmaǵynda buzylýy tıis 1 400-den astam eki qabatty úı bar», – dep habarlady «Almaty qalasy ákimdiginiń «Kúrdeli qurylys kásiporny» JShS.
2020 jyly Túrksib aýdanyndaǵy J.Moldaǵalıev, L.Tolstoı, Chernyshevskıı, Saýranbaev kóshelerindegi eski úıler buzylady.
«Úıleri kúrelip tastalǵan turǵyndar úshin 62 páterli úsh turǵyn úıdiń qurylysy aıaqtalýǵa jaqyn. Sondaı-aq, Túrksib aýdanyndaǵy buzylǵan úılerdiń turǵyndaryn kóshirý úshin Stantsıonnaıa jáne Osıpenko kóshelerinde 59 páterlik eki kópqabatty úıdiń salynyp jatyr», - dep atap ótti kompanııa.
Buzylǵan turǵyn úılerdiń turǵyndaryn kóshirý kezinde aıyrbastaý kelisimi jasalady, páter ıeleri jańa standartty talapqa saı, jańadan salynyp jatqan turǵyn úılerden baspana alady. Aıyrbastaý úshin aqshalaı ótemaqy qarastyrylmaǵan.
