Almatyda 1 315 medıtsına qyzmetkeri koronavırýs vaktsınasyn saldyrdy
ALMATY. QazAqparat - Bul týraly qalanyń qoǵamdyq densaýlyq saqtaý basqarmasynyń dáriger-epıdemıology Elvıra Ibragımova brıfıngte aıtty. Almatylyq medıtsına qyzmetkerlerin vaktsınalaý úshin «SQ Farmatsııa» 1750 doza ekpe jetkizgen, dep habarlaıdy QazAqparat.
Birinshi kezekte, vaktsınatsııa ınfektsııalyq statsıonarlardyń qyzmetkerlerine, kópsalaly statsıonarlardyń qabyldaý, reanımatsııa bólimderiniń qyzmetkerlerine, alǵashqy medıtsınalyq-sanıtarlyq kómek kórsetetin jedel medıtsınalyq kómek qyzmetkerlerine, sonymen qatar, sanıtarlyq-epıdemıologııalyq qyzmettiń qyzmetkerlerine júrgiziledi.
«Medıtsına qyzmetkerlerine birinshi kezeń úshin 1 750 doza vaktsına alyndy, sáıkesinshe, ekinshi kezeńge de 1750 doza jetkizilýi tıis. Vaktsına 2 kezeńde júrgiziledi, basynda 0,5 ml dozada birinshi komponent, keıin 21 kúnnen keıin 2 komponentpen taǵy da 0,5 ml engiziledi, osylaısha, vaktsınanyń birinshi dozasy ımmýndyq jaýapty iske qossa, ekinshisi ony kúsheıtedi»,- dep atap ótti E.Ibragımova.
8 aqpanda birinshi komponent vaktsınasymen 1 315 medıtsına qyzmetkeri qamtyldy.
59 jaǵdaıda vaktsınatsııa keıinge qaldyryldy jáne 2 adam vaktsınatsııadan bas tartty.
21 aqpannan bastap qyzmetkerlerdi ekinshi kompnentpen vaktsınalaý jalǵasady.
Vaktsınatsııa júrgizý úshin ár aýdanda egý kabınetteri men egý brıgadasy daıyndaldy.
Immýndaý barlyq erejelerdiń qatań saqtalýymen jáne «sýyq tizbekti» saqtaý arqyly júrgiziledi.
