Almaty zoobaǵynyń janýarlary aptap ystyqtan qalaı qorǵanýda
ALMATY. QazAqparat – Almaty zoobaǵynda Avstralııadan Muzdy muhıtqa deıingi aralyqty mekendeıtin, álemniń barlyq klımattyq zonasynan jınalǵan janýarlar bar. Olar aptap ystyqtan qalaı qorǵanýda? Ony QazAqparat tilshisi bildi.
Almaty zoobaǵyndaǵylar atap ótkendeı, munda janýarlarǵa ystyqtan qorǵaný úshin barlyq jaǵdaı jasalǵan.
«Haıýanattar baǵyndaǵy barlyq janýarlardyń ystyqtan jasyryna alatyn úıshikteri men salqyndaıtyn kóleńke jerleri bar. Osy jerdi mekendeıtinderge sýda jetkilikti. Sýǵa asa muqtaj - begemot, aq aıý, qoltyraýyndar, tasbaqalar, sý qustarynyń óz basseıinderi bar «, - deıdi zoobaq ókilderi.
Jazda janýarlardy kórýge aıyna 100 myńnan astam adam keledi.
Alaıda, janýarlar, ádette, ystyqta az qozǵalyp kóp uıyqtaıdy.
«Almaty zoobaǵy - Qazaqstandaǵy eń kóne zoobaq. Ol 1937 jyly quryldy. Búgingi tańda onda 273 maman jumys isteıdi. Onyń ishinde 141 adam janýarlarǵa qamqorlyq jasaıdy. Janýarlardyń 380-den astam túri bar. Onyń 79-y Qyzyl kitapqa engen. Janýarlar 7 ekspozıtsııalyq bólimde ornalasqan. Almaty haıýanattar baǵynyń kollektsııasy - bul Ortalyq Azııadaǵy eń aýqymdy kollektsııalardyń biri»,- dep túsinidirdi zoobaqtaǵylar.
