Almaty zoobaǵynyń janýarlary aptap ystyqtan qalaı qorǵanýda
ALMATY. QazAqparat – Almatynyń aptabynan tek adamdar ǵana bas saýǵalap júrgen joq. Shildeniń shilińgir ystyǵy zoobaq janýarlaryn da inderine qýyp tyqty. QazAqparat Soltústik muzdy muhıtynyń tabıǵatyna úırengen aq aıýlar men saharanyń shólin súıetin kerikter ystyqtan qalaı qorǵanyp jatqany týraly shaǵyn fotoreportaj usynady.
Almatyda jaz bastalǵaly beri kún ysyp tur. Ásirese shildeniń basynan beri termometr baǵany 38-40 gradýstan túspedi.
Janýarlar aptap kezinde azyraq qozǵalyp, kóbirek uıyqtaǵandy jaqsy kóredi.
Qustar salqyndaý úshin qanattaryn jaıyp, tumsyqtaryn jıi ashady.
Maımyldar balmuzdaq jep sýsyn ishkendi unatady.
Búginde zoobaqta 375 túrli 3447 janýar bar.
Barlyq janýarlar 6 ekspozıtsııaǵa bólingen.
Olardyń ishinde Halyqaralyq tabıǵatty qorǵaý odaǵynyń Qyzyl kitabyna engen 58 túrli janýar bar. Al Qazaqstannyń Qyzyl kitabyna 25 janýar engen.
