Almaty zoobaǵynyń syrtynan áleýmettik jeli arqyly alaıaqtyqpen paıda taýyp kelgender tekserilýde
ALMATY. QazAqparat - Almaty qalalyq Mádenıet basqarmasy alaıaqtyq áreketten qala turǵyndarynyń aldanyp qalmaýyn eskertýde. Belgisiz bireýler Almaty zoobaǵynyń atynan áleýmettik jelide top quryp, kómek surap kelgen.
Olar qarjylandyrý kóleminiń qysqaryp, janýarlardyń úshten birin satýǵa májbúr bolatyndaryn aıtqan. Sol úshin bar-joǵy 170 teńgeni telefon nómirine aýdarýdy suraǵan.
Zoobaq qyzmetkerleri bul habarlandyrýdy kúni keshe kórgen. Jarııalanymnyń jelide qansha ýaqyt turǵany belgisiz. Almaty qalalyq haıýanattar baǵynyń basshylyǵy atalǵan jarııalanymǵa eshqandaı qatystarynyń joqtyǵyn aıtyp, turǵyndarǵa alaıaqtardyń toryna túsip qalmaýyn eskertýde.
Qazir quqyq qorǵaý organdary atalǵan derekke baılanysty tekserý júrgizýde.
