Almaty zoobaǵynyń qońyr aıýlary jańa baspanaǵa kóshedi
ALMATY. QazAqparat - Almaty zoobaǵynyń basshylary eski tot basqan torlardy joıýǵa kóshti. Demeýshiler endi Tıan-Shan qara aıýy men Gımalaı aıýlaryna jańa voler salyp bermek. Bul jańalyqpen zoobaq dırektory Erjan Erkinbaev Instagramdaǵy paraqshasynda bólisti.
Buǵan deıin Alkor esimdi aq aıýǵa jáne birneshe múıiztumsyqqa demeýshiler jańa qorshaý jasap bergen edi.
«Kontrast kózge uryp tur. Aq aıý zamanaýı úıde turady. Al basqa maımaq aıaq janýarlar tot basqan temirlerdiń ishinde tura ma? Bul týraly kóp adamdar jazdy. Qýanyshtysy, taǵy eki adam qońyr aıýlardyń jaǵdaıyn jasap berýge kelisti. Jaqynda qurylys jumystaryn bastaımyz. Almaty zoobaǵy eski torlardy joıýǵa baryn salady», - dedi zoobaq dırektory.
Onyń aıtýynsha, qazir jolbarystyń mekeni de kúrdeli jóndeýden ótken.
Sondaı-aq, qara qabylannyń baspanasyn jóndeý josparda bar.
