Almaty zoobaǵynyń esepshisi qamaýǵa alyndy
ALMATY. QazAqparat - Almaty zoobaǵynyń esepshisi 32 mln teńgeni qoldy etti degen kúdikpen qamaýǵa alyndy, dep habarlaıdy QazAqparat tilshisi.
№2 Medeý aýdandyq soty «Almaty zoologııalyq parki» mekemesiniń burynǵy esepshisine qatysty qamaýǵa alý týraly bultartpaý sharasyn sanktsııalady.
Іs materıaldaryna sáıkes, «Almaty zoologııalyq parki» mekemesiniń esepshi-kassıri bolyp jumys istegen azamatsha N. 2015 jyldyń jeltoqsanynan 2016 jyldyń qazanyna deıin satylǵan bıletterdi kompıýterden óshirý arqyly, 32 390 000 teńgeni qoldy etken», - dedi Medeý aýdandyq prokýratýrasynan.
Atalǵan derek boıynsha QR QK 189-babynyń 4-bólimi jáne 241-bap boıynsha tergeý amaldary júrip jatyr.
Qajetti saraptamalar taǵaıyndaldy.
Qylmystyń aýyrlyǵyna baılanysty is boıynsha protsessýaldy prokýror taǵaıyndaldy.
