Almaty zoobaǵynyń eń qart turǵyny Alkor 29-ǵa toldy
ALMATY. QazAqparat - Almaty zoobaǵynyń eń qart turǵyny Alkor atty aq aıý mereıtoıyn toılap jatyr, dep habarlaıdy QazAqparat tilshisi.
Alkor 1989 jyly Kalınıngrad zoobaǵynda týǵan. 1990 jyly kishkentaı qonjyq Almaty zoobaǵyna əkelingen. Sodan beri Alkor Almaty zoobaǵynyń turǵynyna aınaldy.
Byltyr onyń apanyn almatylyq bıznesmender qaıta jasap, jaıly mekenge qonystandyrǵan bolatyn. Buryn Alkor Almatynyń aptabynda qınalyp júrgen bolsa, qazir onyń apanynda salqyn basseın, kondıtsıoner, shóp bar. 
Buǵan deıin Alkordyń urǵashy «qurbysy» Krıstına bar bolatyn. Bul janýar da uzaq ómir súrip, 30 jasta ómirden ótti. Ekeýinen Ýmka esimdi qonjyq týǵan. Qazir Ýmka cheh zoobaǵynda turyp jatyr.
Zertteýlerge səıkes, tabıǵat aıasynda aq aıýlar 20 jasqa deıin, urǵashylary 25-30 jasqa deıin ómir súredi. Al erkindikte olardyń ǵumyryn 30-40 jasqa deıin sozýǵa bolady.
