Almaty zoobaǵynyń burynǵy dırektory eki jolbarystyń nege satylǵanyn túsindirdi
ALMATY. QazAqparat – Almaty zoobaǵynyń burynǵy dırektory, qalalyq máslıhattyń depýtaty Erjan Erkinbaev zoobaqtaǵy eki Amýr jolbarysynyń Harbın zoobaǵyna nege satylǵanyn túsindirdi, dep habarlaıdy QazAqparat tilshisi.
Áleýmettik jelide depýtatty jeli qoldanýshylarynyń kóbi suraqtyń astyna alǵan bolatyn.
«Uıalas alandar Amýr men Býsh genetıkalyq aqaýmen týdy. Týasynan aqsaq. Olar kóbeıý baǵdarlamasyna alynbaıdy. Óıtkeni urǵashylarmen shaǵylystyrýǵa bolmaıdy. Deni saý urpaq týmaıdy. Biraq bizde urǵashy jolbarys joq. Olar ómir súrgen voler 1960 jyldan beri jóndeý kórmegen. Tozǵan. Amýr men Býsh temir torda otyr. Osy janýarlardyń jaǵdaıyn jasaýǵa men tipti óz qaltamnan aqsha berýge daıynmyn»,- dedi Erjan Erkinbaev.
Onyń aıtýynsha, Harbın (Qytaıdyń soltústik shyǵysyndaǵy qala) ortalyǵy jabaıy tabıǵatqa barynsha uqsatyp jasalǵan.
«Harbındegi amýr jolbarysy ortalyǵy tabıǵı ortaǵa óte uqsas jaǵdaı jasalǵan. Bul jolbarystardyń profıldi ortalyǵy, ıaǵnı haıýanattar baǵy emes. Arzan aqshaǵa satyp jiberdi degen syn durys emes. Biz barynsha janýarlardyń ómirin jaıly etkimiz keldi», - dedi zoobaqtyń eks-dırektory.
Aıta ketý kerek, jaqynda zoobaqta 3 ań ólgen bolatyn. Olardyń ekeýi arystan bolsa, úshinshisi keriktiń urǵashysy bolatyn. Zoobaq basshylyǵy ańdardyń nege ólgenin túsindirdi.
