Almaty zoobaǵynyń aıýlary jańa orynǵa kóshirildi
«Qurmetti dostar! Bizdiń zoobaqtaǵy jańa volerlerge janýarlar qonystana bastady. Endi, Gerda, Kenaı jáne Kodanyń jańa úıshigi bar. Olardyń kórshileri, bizdiń jańa turǵyndarymyz, gımalaı aıýlary – ıAshın men Ýssýrı», - delingen zoobaqtyń áleýmettik jelidegi paraqshasynda.
Nık pen Nelson da tabıǵı topyraǵy bar, ósimdikteri mol, ishinde basseıni ornatylǵan yńǵaıly, keń volerge kóshirildi.
«Olardyń atalyǵy da aldaǵy ýaqytta jańa orynǵa aýystyrylady. Biz jańa, keń volerler salyp, zoobaǵymyzdaǵy janýarlarǵa barynsha jaǵdaı jasaımyz. Bul jumystardy jalǵastyra beremiz. Árıne, buǵan ýaqyt pen tózimdilik kerek», - dep atap ótti zoobaqtaǵylar.
Buǵan deıin, Almaty zoobaǵynyń janýarlary aptap ystyqtan qalaı qorǵanyp jatqany týraly jazǵan bolatynbyz.
