Almaty zoobaǵyndaǵy jańa ınkýbatorda taýystyń alǵashqy balapany jaryp shyqty
ALMATY. QazAqparat - Almaty zoobaǵyna jyrtqysh qustardyń balapandaryn shyǵarýǵa arnalǵan zamanaýı ınkýbatorlar jetkizildi, dep habarlaıdy QazAqparat tilshisi.
8 jańa ınkýbatorda jazdyń sońǵy aılaryna deıin aqqýdyń kógildirleri, taýys pen jyrtqysh qustardyń balapandaryn basyp shyǵarylatyn boldy.
«Biz Germanııadan jańa ınkýbatorlar alǵyzdyq. Bul jáshikter arnaıy termorettegish quralmen, jumyrtqalardy aınaldyratyn rolıktermen jabdyqtalǵan. Keıbir ınkýbatorlarǵa brýder ornatylǵan. Bul jylytqyshtarda jańadan jaryp shyqqan balapandar alǵashqy birneshe kúnde syrtqy ortaǵa beıimdeletin bolady. Sonymen qatar, termometrler, keramıkalyq shamdar, sý ishýge arnalǵan ydystar satylyp alyndy. Avtomattandyrylǵan baǵdarlama arqyly ınkýbatorda ylǵaldylyq deńgeıi rettelip otyrady. Qazir ınkýbatorda taýystyń jumyrtqalary bar. Búgin alǵashqy balapan jaryp shyqty. Sonymen qatar, qara qýdyń jumyrtqalaryn salýdy josparlap otyrmyz», - dedi Almaty zoobaǵy dırektorynyń mindetin atqarýshy Aıgúl Týleeva.
Qaıta jasaýdan soń zoobaqta birqatar ózgerister oryn aldy. Aq aıý, qara aıý, qabylan, jolbarystardyń volerleri qaıta jasaldy. Kelesi aptada qustar úıi men balyqtarǵa arnalǵan úlken akvarıým ashylady.
