Almaty zoobaǵyndaǵy túıe botalady
ALMATY. QazAqparat - Almaty zoobaǵynda bir órkeshti nar botalady. Bul týraly zoobaqtyń baspasóz qyzmetinen habarlady.
Zoobaq dırektorynyńy mindetin atqarýshy Aıgúl Túleevanyń aıtýynsha, bul bıylǵy tóldiń aldy boldy.
«2019 jyl jaqsy jańalyǵymen keldi. Aqpannyń 6-7 qaraǵan túni bir órkeshti túıeler jubynda urǵashy bota týdy. Bıyl da molshylyqqa toly jyl bolady dep senemiz», - dedi Aıgúl Túleeva.
Jas bota karantın ortadan bosap, enesine qosyldy. Qazir ony almatylyqtar ashyq tamashalaı alady.
Nar túıe zoobaqqa 2006 jyly ákelingen. Bul olardyń 6-shy tóli.
Almaty zoobaǵynda nardan bólek taǵy qosórkeshti túıeniń juby bar.
Byltyr zoobaqta 37 tól dúnıege kelgen bolatyn. Aıta keterligi, kópten kútken qoqıqaz balapan basyp shyǵardy.
