Almaty zoobaǵyndaǵy órt sóndirildi
ALMATY. QazAqparat- Almaty zoobaǵyndaǵy órtengen pishen sóndirildi. Bul týraly jańa ǵana Almaty qalalyq TJD resmı ókili Sandýǵash Baımuhambetova habarlady.
«Almaty zoobaǵynda pishenniń órtengeni týraly habar Almaty qalalyq TJD «101» kezekshi bóliminde búgin keshke 20 saǵat 04 mınýtta tirkeldi. Alǵashqy órt sóndirpýshiler toby Medeý aýdany, Esenberlın kóshesi 166 mekenjaıynda ornalasqan «Almaty haıýanattar baǵy» memlekettik kásipornyna 20 saǵat 13 mınýtta kelip jetti. Belgili bolǵanyndaı, qoradaǵy pishen órtenip jatty. Órttiń jaqyn mańda ornalasqan turǵyn úıge ótý qaýpi týyndady. Alaıda órt sóndirýshiler der kezinde áreket jasap, órtti 20 saǵat 35 mınýtta aýyzdyqtap, 21 saǵat 02 mınýtta sóndirdi», - dedi S. Baımuhambetova.
Aıta ketelik, órttiń aýmaǵy 80 sharshy metrdi qurady. Zardap shekkender joq.
