Almaty zoobaǵynda jasalǵan erekshe fotolar ańdar ómirin kórsetti
ALMATY. QazAqparat - Almaty zoobaǵynda ańdardyń ómiri fotosýretter arqyly kórsetildi. «Vernısaj» kameralyq galereıasynda Mıhaıl Sorokoýmovtyń erekshe kórmesi ashyldy, dep habarlaıdy «QazAqparat» HAA tilshisi.
Fotograf Mıhaıl Sorokoýmov 2012 jyldyń aıaǵynda Almaty zoobaǵyna baspasóz hatshysy retinde jumysqa shaqyrylǵan.
Zoobaqtaǵy qyzmeti kezinde Mıhaıl Sorokoýmov kóptegen janýarlarmen, sonyń ishinde jyrtqysh ańdarmen dostasyp ketken. Óziniń aıtýynsha, janýarlar ony kún saıyn taǵatsyzdana kútetin. Sonyń arqasynda fotograftyń sýretter toptamasynda zoobaq mekendeýshileriniń ómirinen túsirilgen erekshe sýretter paıda bolǵan. Máselen, kýba qoltyraýynynyń tamaqtanýy, pilge arnalǵan pedıkıýr, órmekshiler jáne taǵy basqalary.
Mıhaıl Sorokoýmov janýarlarmen únemi jaqsy qarym-qatynasta bolǵanyn aıtady. Alaıda olardyń keıbiriniń toryna oǵan kirýge tyıym salynǵan.
«Buryn Tomırıs shımpanzeniń toryna kire beretinmin, ol meni kórse qýanatyn. Alaıda, oǵan shımpanzeniń atalyǵy ákelingeli beri qaýipsizdik úshin meni torǵa kirgizbeı tastady. Ol meni kórgende tolqyp, qyzǵanshaq seriginen jazasyn alýy múmkin edi», - deıdi Mıhaıl Sorokoýmov. 
