Almaty zoobaǵynda janýarlardy qorektendirý júıesin jaqsartý qolǵa alyndy (FOTO)
ALMATY. QazAqparat - Almaty zoobaǵynda mamandar janýarlardy qalaı qorektendirý kerektigin aıtyp berdi. Semınardy ótkizý «janýarlar únemi ash júredi» dep qaýeset taratqandarǵa jaýap retinde uıymdastyryldy.
Zoobaqtyń ǵylymı ádistemelik bóliminiń basshysy Konstantın Plahovtyń aıtýynsha, haıýanattar baǵynda janýarlardy semirtý basty maqsat emes. Qazirgi olardyń qorektenýi qalypty fızıologııalyq jaǵdaıyna saı keledi ári ǵylymı turǵydan kózdelgen ratsıon boıynsha beriledi.
«Jabaıy tabıǵat aıasynda jyrtqyshtar etti terisimen, ishki organdarymen jeıdi. Taýly aımaqtarda tuz jetkiliksiz, shóldi aımaqta tuz kóp. Anglııadaǵy zoobaqtardyń biri maımyldardy bananmen qorektendirýden bas tartty. Olardyń anyqtaǵanyndaı, adam jeıtin banan men maımyl jeıtin banannyń arasynda aıyrmashylyq kóp eken. Tabıǵatta kóptegen haıýandar túngi ýaqytta azyq taýyp, ómir súredi. Biz olardy kúndiz qorektendirip, bıologııalyq yrǵaǵyn buzamyz. Sondaı-aq, Almaty oblysynyń sý quramyn da zertteý kerek», - dedi Konstantın Plahov.
