Almaty zoobaǵynda tuńǵysh ret Jolbarys kúni atap ótiledi
ALMATY. QazAqparat - Almaty qalasynyń haıýanattar baǵynda tuńǵysh ret Jolbarys kúni atap ótiledi. Bul kúndi atap ótýdi arnaıy maqsattaǵy bólimsheler ardagerleri qaýymdastyǵy men «Búrkit» kúzet kompanııasy usyndy.
Haıýanattar baǵy baspasóz qyzmetiniń habarlaǵanyndaı, Jolbarys kúnine arnalǵan baǵdarlama aıasynda kontsert, ár túrli baıqaýlar, quttyqtaýlar jáne syılyqtar bolady. Sondaı-aq, jolbarystardy tosyn syı kútip tur. Mereke - 29 shilde kúni saǵat 11:00-de bastalady. Esterińizge sala ketelik, álem elderinde Halyqaralyq amýr jolbarysy kúni jyl saıyn qyrkúıek aıynyń sońynda atap ótiledi.
Al, qazirgi tańda Almaty zoobaǵynda bes jolbarys ómir súredi. Olar - alty jastaǵy Ýrman, onyń kúshikteri - úsh jastaǵy Amýr men Býsh, jeti jastaǵy uraǵashy jolbarys - Gaýhar jáne 16 jastan asqan eń kári urǵashy jolbarys. Onyń laqap aty - Rada.
Esterińizge sala ketelik, bıyl osy zoobaqta mamyr aıynda laqap aty Quralaı dep atalatyn urǵashy jolbarys ólgen bolatyn.
Taıaýda Qazaqstannyń arnaıy maqsattaǵy bólimsheler qaýymdastyǵy jáne osy qaýymdastyqtyń prezıdenti Vladımır Kanýshın basqaratyn «Búrkit» kúzet kompanııasy Almaty zoobaǵynyń jolbarystaryn óz qamqorlyqtaryna alǵanyn aıta ketken jón. Osyǵan oraı, zoobaqta jolbarystarǵa arnalǵan jańartylǵan volerdiń saltanatty ashylý rásimi boldy. Odan basqa, kelýshiler nazaryna shoý-baǵdarlama usynyldy.
Bıyl 4 qańtarda zoobaqqa arystannyń kúshigi jetkizilgen bolatyn. Endi jaqyn bolashaqta qaýymdastyq músheleri oǵan arnap, arnaıy voler jasap bermek nıette.
