Almaty zoobaǵynda tumsyǵy maıysqan erekshe tyrna ómir súredi
Zoobaqtyń málimetinshe, tyrna balapan kúninen rahıt aýrýyna shaldyǵyp, tumsyǵy maıysyp ósken. Onyń tumsyǵyn túzetý múmkin bolmaǵan. Alaıda, ol tyrnanyń ómir súrýi men tamaqtanýyna kedergi emes.
«Bul tyrnaǵa jeıtin azyq arnaıy bıik ydysqa salynyp beriledi. Ol jarma, suly, arpa, bıdaı, sábiz, irimshik jáne et pen balyq jeıdi. Qısyq tumsyqty tyrnanyń urǵashy juby jyl saıyn eki balapannan týady. Bul tyrna óz balapandaryna óte qamqor áke»,- dep jazylǵan aqparatta.
Sondaı-aq zoobaqta kemshiligi bar janýarlar erekshe kútimge alynyp, olardyń ómir súrýine qoldan kelgen barlyq jaǵdaı jasalatynyn málim etti.
«Bizdiń zoobaqta boıynda san túrli derti bar, denesinde aqaýy bar kóptegen janýar mekendeıdi. Solardyń biri Dıana atty ıagýar. Onyń bir aıaǵy kemtar jáne quıryǵy joq. Qol-aıaǵy durys istemeıtin sýrıkat, qanaty qaıyrylǵan jamansary sııaqty jaýnarlar bar. Mundaı jarymjan jaǵdaıda janýarlar jabaıy tabıǵatta ómir súre almas edi. Zoobaq olardy qamqorlyqqa alyp, jańa ómir syılap otyr. Janýarlardy qorǵap, tabıǵatty aıalaıyq», - deıdi zoobaq ujymy.
