Almaty zoobaǵynda taǵy bir ıagýar kúshiktedi
ALMATY. QazAqparat - Almaty zoobaǵynda ıagýar kúshiktedi. Bul jergilikti ıagýarlardyń ekinshi tóli, dep habarlaıdy QazAqparat tilshisi.
Haıýanattar baǵynyń baspasóz qyzmeti málim etkendeı, Anasy Momyn Almaty zoobaǵynda 2010 jyly dúnıege kelgen. Al ákesi Vasılıı 2014 jyly Novosıbırskiden ákelindi.
«2019 jyly Momyn men Vasılııdiń tóli Avstralııa dúnıege keldi. Mine, birneshe jyldan keıin Avstralııanyń inisi ómirge keldi. Esimi ázirshe qoıylǵan joq. Zoobaq ujymy dástúr boıynsha óziniń Instagram-akkaýntynda oqyrmandarymen birge tańdaýdy josparlap otyr. Eske sala keteıik, budan buryn almatylyqtar 8 naýryzda týǵan túıege Meıram degen at qoıdy. Al 1 qańtarda týǵan aıýlardyń esimderi Kenaı men Kod, Dısneı mýltfılmindegi keıipkerlerdiń esimderin tańdaǵan bolatyn»,- dep habarlady zoobaqtan.
Avstralııa anasyna tartqan. Onyń terisinde daqtar bar. Al jańa týǵan ıagýar ákesine uqsaǵan qara tústi.
«Haıýanattar baǵynyń qyzmetkerleri janýarlarǵa jaıly jaǵdaı jasaıdy: qorshaý — bul bóreneler, tastar, oıynshyqtar, muqııat tamaqtaný, veterınarlyq kútim jáne kıperlerden súıispenshilik pen qamqorlyqtyń mindetti kórinisteri»,- deıdi veterınar dáriger ıÝlııa Dýdkına.
Onyń aıtýynsha, kún saıyn ıagýarlar 3 keli et jeıdi, biraq qazir Momynyń tamaǵy kóbeıdi. Oǵan 4,5 kelli et beriledi.
