Almaty zoobaǵynda sur kengýrý tóldedi
Zoobaqtyń baspasóz qyzmetinen habarlaǵandaı, 2017 jyly Novosibir qalasynan Marat pen Lara atty sur kengýrý juby ákelingen bolatyn. Bul olardyń úshinshi tólderi.
«Mádı men Saıa 2018 jáne 2019 jyldary týǵan bolatyn. Mádı qazir Barnaýlda turady. Úshinshi kengýrý byltyr qyrkúıekte týdy. Qashan týǵanyn dóp basyp aıtý qıyn. Sebebi olar týysymen shaqalaq kúıinde qaltasyna kirip ketedi», - dedi baspasóz qyzmetinen.
Almaty zoobaǵynyń bas veterınar dárigeri Alına Chımırýktyń aıtýynsha, jabaıy tabıǵat aıasynda janýarlardyń tirshiligine qolaısyz faktorlar jetkilikti.
«Olardyń mekeni tarylyp, azyq aýmaǵy azaıyp keledi. Tabıǵat lastanýy jáne bar. Zoobaqtar sol tabıǵattyń bir bólshegin saqtap qalýǵa tyrysyp jatyr» - dedi Alına Chımırýk.
Eresek kengýrý táýligine 3 keli jemis, sábiz, oramjapyraq jeıdi.
