Almaty zoobaǵynda soltústikamerıkalyq koroldik jylannyń jumyrtqa salý sáti tuńǵysh ret fotoǵa túsirildi
ALMATY. QazAqparat- Búgin Almatynyń haıýanattar baǵynda osydan bir saǵat ýaqyt buryn soltústikamerıkalyq koroldik jylan jumyrtqa sala bastady.
Bul týraly QazAqparat tilshisine zoobaqtyń baspasóz hatshysy Mıhaıl Sorokoýmov habarlady.
«Jumyrtqa salý sátin fotoǵa túsirýge qol jetkizildi. Bul úderis negizi 12 saǵatqa sozylýy múmkin. Ádette mundaı jylandar 3 jumyrtqadan 12 jumyrtqaǵa deıin salady. Ekzotarıýmnyń jumysshysy Israıl Isaev jylannyń tańerteń jumyrtqalaı bastaǵanyna tań qalǵan. Óıtkeni olar jumyrtqany tek túngi ýaqytta ǵana salatyn bolǵan. Bul bıyldyqqa alǵashqy jumyrtqalar » - dedi M. Sorokoýmov.
Onyń aıtýynsha, jylandy mazalamas úshin ol bólek qorapqa salynypty. Al jumyrtqalar 60 táýlikke deıin ınkýbatorǵa salynady.
