Almaty zoobaǵynda shımpanze merekesi atalyp ótti
ALMATY. QazAqparat - Almatyda haıýanattar baǵynda shımpanze merekesine júzdegen adam jınaldy, dep habarlaıdy QazAqparat tilshisi.
Almaty zoobaǵynda Pasha men Tomırıs atty shımpanze juby ómir súredi.
Eki jastaǵy Tomırıs osy jerde týyp-ósken. Al Pashany osydan eki jyl buryn Qazandaǵy zoobaqtan ákelgen.
«Bul adamǵa uqsas maımyldar kelýshilerdi ózine tartady. Búgin tipti buǵan úlken sebep bar. Halyqaralyq standartqa saı etip kólemdi tor jasadyq. Tek olar úshin ǵana emes, basqa da maımyl túrlerine arnap jasaldy. Tordy Aleksandr Lavrentev birneshe apta boıy daıyndady. Ol «qojaıyndardyń» talǵamyn esepke ala otyryp, buǵan shyǵarmashylyq turǵydan kúsh saldy. Búgingi mereke shımpanze sektsııasy jumystarynyń aıaqtalýymen tuspa-tus kelip otyr»,-deıdi zoobaq dırektorynyń orynbasary Dana Shúlembeva.
Tordaǵy shımpanze merekesine zoobaq qyzmetkerleri men qalyń kópshilik jınaldy. Olarǵa arnap dastarhan jaıyldy.
Pasha úshin ystyq kúnde jemis-jıdek balmuzdaǵy men shyryn taptyrmas táttige sanaldy.
Al Tomırıs azyq-túlik salynǵan sebetti kótergen kúıi kelýshilerdiń súıipenshiligine bólendi.
