Almaty zoobaǵynda qurǵaǵan toǵannyń arnasy qaıta tolatyn boldy
ALMATY. QazAqparat - Almaty zoobaǵynda qurǵap qalǵan toǵannyń arnasy qaıta tolatyn boldy, dep habarlaıdy QazAqparat tilshisi. Bul týraly zoobaq dırektory Erjan Erkinbaev.
Instagramdaǵy paraqshasynda jarııalady. Toǵandy qalpyna keltirýge bıznesmen Nábı Aıtjanov kómektespek.
«Almaty zoobaǵynyń aty ańyzǵa aınalǵan toǵany qaıtadan sýǵa tolady. Jaqynda ol jerde túrli ekzotıkalyq qustar júzetin bolady. Kólge jan bitirýge kómektesip jatqan Nábı Aıtjanov dosyma alǵysym sheksiz», - dedi ol.
Dırektordyń aıtýynsha, endi kóldiń aınalasyndaǵy serýendeıtin joldar da tolyǵymen jasalady. Buǵan deıin bul toǵan zoobaq kelýshileriniń basty demalatyn orny bolǵan edi. Kóldiń ortasynan úlken kópir ótetin. Kól jaǵasyndaǵy syrǵa taldar jastardyń demalatyn súıikti orny bolǵan. Aıta ketý kerek, Almaty zoobaǵynyń basshylyǵy memlekettik jekeshelik áriptestik aıasynda tıimdi jumys atqaryp keledi.
Buǵan deıin bıznesmender Alkor atty aq aıýǵa, Amýr jolbarystaryna, Gımalaı aıýlaryna, tapırge jańa baspana salyp bergen bolatyn.
