Almaty zoobaǵynda qoqıqaz balapan basyp shyǵardy
ALMATY. QazAqparat - Almaty zoobaǵynda 8 jylda tuńǵysh ret qoqıqaz balapan basyp shyǵardy, dep habarlaıdy QazAqparat tilshisi.
Bul týraly zoobaqtyń burynǵy dırektory, máslıhat depýtaty Erjan Erkinbaev Instagram jelisinde habarlady.
"Bizde tuńǵysh ret qoqıqaz balapan basyp shyǵardy", dedi Erjan Erkinbaev.
Zoobaqtyń dırektory Aıgúl Týleevanyń aıtýynsha, qoqıqazdar 2010 jyly Kolýmbııadan əkelingen.
"Baqytty sátti túsirip aldym. Jańa ómir esigin ashty. 2010 jyly Kolýmbııadan ushyp kelgen qoqıqazdar toby kóp jyldan sońǵ 8 jylda birinshi ret urpaq órbitti",- dedi Aıgúl Týleeva.
Aıta ketý kerek, Almaty zoobaǵy basshylyǵy osydan 2-3 jyl buryn qoqıqazdardyń balapan baspaı jatqanyn habarlaǵan bolatyn. Basshylyq qamaýdaǵy qustardyń boıyndaǵy kúızelisti alý úshin qoqıqazdardyń qorshaýyna aına ornatqan bolatyn. Bul qustardy vızýaldy túrde kóp sekildi sezim qalyptastyrý úshin ədeıi oılastyrylǵan.
Sonymen qatar, Almaty zoobaǵy jaqynda qustardyń balapan basýyna arnalǵan 8 ınkýbator satyp alǵan edi.
Foto: Mıhaıl Sorokoýmov
