Almaty zoobaǵynda kishkentaı kerik ómirge keldi
ALMATY. QazAqparat - Almatynyń haıýanattar baǵynda Sulý atty urǵashy kerik tóldedi. Bul týraly búgin zoobaqtan habarlady.
Kishkentaı kerik taıaýda ǵana týylǵan. Bul Sulý atty urǵashy keriktiń osymen altynshy tóli. Zoobaq qyzmetkerleri yrymshyldyqpen kishkentaı kerikti áli eshkimge kórsetpegen.
«Bizdiń senim boıynsha, jańa týǵan tól myqty bolyp ósýi úshin, ony belgili bir merzimge deıin eshkimniń kózine kórsetpeımiz jáne ol týraly eshkimge tis jaryp aıtpaımyz. Bir-eki aı ótken soń oǵan jańa esim beremiz. Sodan keıin baryp qana kópshilikke kórsetemiz, - dedi zoobaqtyń baspasóz qyzmetindegiler.
Qazirgi tańda zoobaqta 12 kerik ómir súredi.
Aıta ketelik, kerik - qurlyqtaǵy eń bıik janýar. Urǵashy kerikter jalqy tól týady. Kerikter turǵan kúıi tóldeıtin bolǵandyqtan, buzaýy 2 metr bıiktikten qulap týady. Ádette jańa týǵan tóldiń boıy - 1,8 metr, al salmaǵy - 50 keliden joǵary bolady. Enesi ony 6 aıdaı emizedi.
