Almaty zoobaǵynda qar barysy joǵalǵan joq - Zoobaq basshylyǵy
ALMATY. QazAqparat Almaty haıýanattar baǵynda 6 qar barysy joǵaldy degen aqparat jalǵan bolyp shyqty. Bul qaýeset Feısbýk jelisinde taralǵan bolatyn. Zoobaq basshylyǵy búgin osyǵan qatysty túsinikteme berdi.
Baspasóz hatshysy Mıhaıl Sorokoýmovtyń aıtýynsha, túz taǵysy ár jyldary qaza bolǵan. Ár memleketten ákelingen barystar qazaq jerine jersinip kete almady.
«Qyrǵyz elinen ákelingen eki barys mert bolǵan. Olardyń ólimi bıologııalyq qartaıýdan boldy. Basqa eki barys ota jasaýdy kótere almady. Olar naýqas edi, ota sol sebepti jasalǵan. Qyzyl kitapqa engen janýarlar joǵalǵan joq, fızıologııalyq jaǵdaılaryna baılanysty óldi. Іlbister álemniń eshqandaı zoobaǵyna jersinip ketken joq», - dedi M.Sorokoýmov.
Jáne Polsha men Japonııadan ákelingen eki urǵashy barystyń ǵumyryn pnevmonııa qysqartyp ketti.
Qazirgi kezde bul jyrtqyshtar Almaty zoobaǵynda joq.
