Almaty zoobaǵynda haıýanattar jyl basyna talasty (FOTO)

ALMATY. QazAqparat - Almaty zoobaǵynda Ulystyń uly kúni - Naýryz atalyp ótti.

«Naýryz merekesiniń bastalýy naýryzdyń aıynyń 22 juldyzyna sáıkes keledi. Bul mereke shyǵys elderinde eń uly meıram bolyp sanalady. Naýryz - tabıǵattyń jańarýy, naýryz - kóktem merekesi. Kún men tún teńeletin, qazaqtar jyl basy dep esepteletin «Ulystyń uly kúni» halyq úshin - uly kún», - dedi baspasóz hatshysy Mıhaıl Sorokoýmov.
Zoobaq kelýshileri qazaq halqynyń salt-dástúrleri men «Jyl basyna talasqan haıýanattar» ertegisin tamashalady. Haıýanattar baǵynyń ortalyq alańynda ánnen shashý shashyp, «Aqsaq qulan», «Qasqyr», «Aqqý» kúıleri áýeledi. Sondaı-aq, kishkene balalar «Jeti qazyna» oıynyn oınady. Kelýshiler naýryz-kóje, baýyrsaqtan dám tatty.