Almaty zoobaǵynda gný antılopasy qulyndady
ALMATY. QazAqparat - Almaty zoobaǵynda Sahara esimdi gný antılopasy qulyndady, dep habarlaıdy QazAqparat tilshisi qalalyq zoobaqtyń baspasóz qyzmetine silteme jasap.
28 maýsymda janýardyń dúnıege kelý sátin qalyń kópshilik tamashalaǵan bolatyn.
Saharanyń ózi 2008 jyly Almaty zoobaǵynda týǵan.
Bul - onyń úshinshi tóli. Munyń aldyndaǵy qulyndary TMD aımaǵyndaǵy barlyq zoobaqtarǵa taratylǵan.
Erkegi Rık Gollandııa zoobaǵynan 2010 jyly ákelingen.
Urǵashy qulynǵa Samara degen at qoıyldy.
«Qulyn shaýyp júr. Enesinen qalmaıdy. Ázirge enesiniń sútin emip júr. Jaqyn arada qatty taǵamǵa kóshedi», - deıdi zoobaqtyń baspasóz qyzmeti.
