Almaty zoobaǵynda amýr jolbarysy kúni atalyp ótti
ALMATY. QazAqparat - Almatynyń haıýanattar baǵynda amýr jolbarysy kúni atalyp ótti, dep habarlaıdy QazAqparat tilshisi.
Almaty zoobaǵynda artıster amýr barysynyń keıpine enip, sırep bara jatqan ań zary aıtyldy. Kishkentaı qonaqtar nazaryna teatrlyq qoıylym usynylyp, beıneleý ónerinen baıqaý uıymdastyryldy. Bul kúnniń taqyryby tek jolbarystar tóńireginde órbidi. Balalar zoobaqty aralap, ań patshalyǵynyń qyzyǵyna kýá boldy.
Almatynyń zoobaǵynda 5 amýr jolbarysy ómir súredi. Biraq solardyń tek bireýi ǵana ańnyń atalmysh túrin qorǵaý jáne kóbeıtý baǵdarlamasyna engen. Ol - Ýrman esimdi jolbarys. Qalǵan tórteýi genetıkalyq aýytqýshylyǵy nemese káriligine baılanysty baǵdarlamaǵa kirmegen.
Osydan bir jyl buryn amýr jolbarystaryna jańa voler salynyp, «qonys toıyn» toılaǵan bolatyn. Álemdik standartqa saı qaýmalda kógal, aǵashtar, basseın, sarqyrama jáne oıynshyqtar bar. Erekshe janýarlardy asa berik áınek pen bıik dýal kelýshilerden qalqalap tur.
Halyqaralyq jolbarys kúni 29 shilde kúnine bekitilgen. Degenmen, qyrkúıektiń sońǵy jeksenbisinde dástúr boıynsha amýr jolbarysy kúni atap ótiledi. Azaıyp bara jatqan ań túri Qıyr Shyǵysty mekendeıdi. Qyzyl kitapqa engen janýardyń sany álem boıynsha 500-ge jýyqtaıdy.
