Almaty zoobaǵynda 300 jyldyq alyp emen aǵashy ósip tur
ALMATY. QazAqparat - Almaty haıýanattar baǵynda 300 jyldan beri ósip turǵan alyp emen aǵashy bar, dep habarlaıdy QazAqparat tilshisi.
Almaty zoobaǵynyń málimetinshe, megapolıstegi eń kári aǵash haıýanattar baǵynda. Oǵan kem degende 300 jyl bolǵan.
Vıdeodan emen dińiniń de óte jýan ekenin kórýge bolady, sonymen qatar aǵash búginde jaıqalyp ósip tur.
«Keıde qala turǵyndary men qonaqtary osy alyp aǵashtan kúsh-qýat alý úshin arnaıy keledi»,- dep atap ótti haıýanattar baǵynan.
Ǵalymdar emendi eń uzaq ýaqyt ómir súretin ósimdikterdiń qataryna jatqyzady.
Resmı derekterge súıensek, emen aǵashynyń 600 túri bar, ony Soltústik jarty shardyń barlyq aımaqtarynda kezdestirýge bolady. Bul aǵashtar jaryqsúıgish, sýyqqa tózimdi, qurǵaq jáne tuzdy jerlerde óse beredi. Ádette, 300-400 jyl ómir súredi.
