Almaty zoobaǵyna qystap shyǵý úshin aqqutandar ushyp keldi
ALMATY. QazAqparat - Almaty zoobaǵyna qystap shyǵý úshin aqqutandar ushyp keldi, dep habarlaıdy QazAqparat.
Zoobaqtyń taratqan málimetine qaraǵanda alǵashqy aqqutandar ótken jyldyń sońynda ushyp kele bastaǵan.
«Jabaıy aqqutandar osynda qystap shyǵý úshin ushyp kelgen sııaqty. Qaıdan kelgeni belgisiz. Olar eshkimge kedergi jasamaıdy, ózderimen ózderi tirshilik etip júr. Basqa qustarmen aralaspaıdy. Úlken-úlken sheńber jasap ushady, bir áýitten ekinshisine ushyp-qonyp júr. Basqa qustardyń jemine tıispeıdi. Balyq aýlap, sonymen qorektenedi. Túnde de olar zoobaqta qonatyn sekildi. Al kúndiz ushyp kelip-ketip júredi. Adamdardy janyna jolatpaıdy. Óte tynysh» deıdi Almaty zoobaǵynyń fotografy Mıhaıl Sorokoýmov.
Zoobaqtyń málimetinshe, bul aqqutandar - jabaıy qustar.
«2012 jyly osyǵan uqsas jaǵdaı bolǵan. Ol kezde de bir jup aqqutan ushyp keldi. Bireýi jaraly eken. Kóp uzamaı ol mert boldy. Al ekinshisi arada biraz ýaqyt ótkende kózden ǵaıyp boldy. Biraq kúzde qaıtyp oraldy. Sýyq túskende ǵana birjola ushyp ketti» deıdi Mıhaıl Sorokoýmov.
Búginde zoobaqta qutannyń eki túri mekendep jatyr. Onyń bireýi - mysyrlyq aqqutan, ekinshisi - sur qutan.
Eske sala keteıik, biz buǵan deıin Almaty mańyna aqqutandar ushyp kelgenin jazǵan bolatynbyz.
