Almaty zoobaǵyna kirý úshin bir qap aǵash qabyǵyn ákelip berýge bolady
ASTANA. QazAqparat - Almatynyń janýarlar baǵy aǵashtyń bir qap qabyǵyn ákelip berip, qaýipti jylandardyń kollektsııasyn tamashalaýǵa jáne kerikterdi tamaqtandyryp kórýge shaqyrdy. Bul týraly mekeme dırektory Erjan Erkinbaev aıtty.
«Kerikterdi óz qolymen tamaqtandyryp, asa qaýipti jylandardyń (ábjylan, mamba, ysyldaǵysh ýly jylandar jáne taǵy basqalary) jabyq kollektsııasyn kórgisi keletinderdiń barlyǵyna habarlaımyz: aǵashtyń bir qap qabyǵy úshin sizderge eksklıýzıvti baǵdarlama usynýǵa daıynbyz. Bizge janýarlar ustalatyn jerdiń kafeldi edenine aǵash qabyqtaryn tóseý kerek bolyp jatyr», - dep jazdy E.Erkinbaev Instagramdaǵy paraqshasyna.
«Janýarlar kafelde nemese betonda jatpaýy tıis. Bul olardyń densaýlyǵyna zııan! Bul ótinishimizdi tanystaryńyz ben dostaryńyzǵa jetkizýge kómektesińizder», - dedi ol.
Zoobaq dırektory meıirimdi jandarǵa aldyn ala alǵys bildirip, aǵash qabyqtary baý-baqshaǵa arnalǵan dúkenderde satylatynyn aıtyp ótti.
