Almaty zoobaǵyna Kalınıngradtan bir jasar sýsıyr jetkizildi
SANKT-PETERBÝRG. Qazannyń 26-sy. QazAqparat /Elena Mıagkova/ - Almaty zoobaǵyna Reseıdiń Kalınıngrad qalasynan Maksı esimdi bir jasar sýsıyr jetkizildi.
«Maksı aldymen ushaqpen Sankt-Peterborǵa jetkizildi, ári qaraı Qazaqstanǵa jóneltildi. Mundaı kezde janýar úshin tasymadaýdyń barlyq jaıly jaǵdaıy jasalady - ushaqtyń júk saqtalatyn bóliginde 16-18 gradýs temperatýra saqtalady»,- deıdi Kalınıgrad zoobaǵynyń mamandary.
Sýsıyr «Reseı» áýekompanııasynyń jolaýshylar reısimen jetkizildi. Janýardyń salmaǵy 350 keliden asatyndyǵyna qaramastan, ol áli bala sanalady - jeltoqsannyń 1-inde Maksı nebári 1 jasqa keledi.
Maksı qazaqstandyq zoobaqqa almasý negizinde berilip otyr, biraq onyń ornyna Kalınıngrad zoobaǵyna qandaı janýar beriletini ázirge belgisiz. Sýsıyr qustardyń sırek túrlerine aýystyrylýy yqtımal, deıdi mamandar.
