Almaty zoobaǵyna erekshe janýar jetkizildi
ALMATY. QazAqparat – Almaty zoobaǵyna lamatuqymdas erekshe janýar jetkizildi. Zoobaq qyzmetkerleri «Shokoladkany» ózderiniń Instagram paraqshasynda tanystyrdy, dep habarlaıdy QazAqparat tilshisi.
«Bizdiń zoobaǵymyz jańa tólmen tolyqty. Bul janýar súıkimdilik jaǵynan bárin basyp ozatyn sııaqty. Ózi sondaı ádemi, júris-turysy erekshe, minez-qulqy da jaıly. Bizdiń kóńilimizge erekshe áser etken bul janýar sizderge de unaıdy dep oılaımyz»,- delingen habarlamada.
«Shokoladka» esimdi alpaka elimizge bir aı buryn Reseıdiń Krasnodarsk haıýanattar baǵynan jetkizilgen.
«Alpaka 2016 jyly «Safarı-park» dep atalatyn Krasnodar haıýanattar baǵynda týǵan. Almaty zoobaǵyna ótken jyldyń 11 jeltoqsanynda ákelindi. Ol kerikterdiń janyndaǵy volerde turady»,- dep atap ótti zoobaqtaǵylar.
Sýretter:Mıhaıl Sorokoýmov
