Almaty zoobaǵyna ekzotıkalyq janýar ákelinbek
ALMATY. QazAqparat - Almaty zoobaǵy 80 jyl boıy qala turǵyndary men qonaqtaryn qýantyp keledi.
Kelýshiler Azııa, Afrıka, Amerıka qurlyqtarynyń bir bólshegimen tanysyp keledi.
Qazaqstandaǵy biregeı zoobaqtyń ishindegi ómir qalaı ótip jatyr? QazAqparat tilshisi janýarlardyń bir kúndik ómirimen tanysty.
Búginde zoobaqta janýarlardyń 310 túri bar. Barlyǵy 2781 janýar ómir súrip keledi.
Zoobaqtyń maqtanyshy Lao men Arý pilderi. Olar Almatyǵa 2000 jyly Laostan ákelindi. Urǵashy pil 2 jasynda, erkegi 4 jasynda keldi. Búginde olar 16 jyl boıy jubyn jazbaı keledi.
Janbolat esimdi begemot Izraılden 8 jyl buryn kelgen edi. Búgin onyń jasy 10-da. Jaqynda Sent-Perden Lottı esimdi urǵashy begemot keledi. Bir begemottyń salmaǵy 1 tonna ekenin eskerse, olardy Qazaqstanǵa jetkizý 1 kúnniń jumysy emes.
Martın esimdi tapır de óziniń jubyn kútip júr. Oǵan jaqynda demeýshiler jańa voler salyp bergen bolatyn. Janýarlardyń qatary bularmena ǵana kóbeıip jatqan joq.
Zoobaq dırektory Erjan Erkinbaevtyń aıtýynsha, mamandar bıyldyń ózinde 60 tól dúnıege keledi dep boljap otyr.
«Bıyl bizde 2 eki teńbil buǵy laǵy, 4 eýropa lany laǵy, 1 kók qoı qozysy, 4 kamerýn laǵy, 1 quralaı, 2 mondyn, 1 úndi jaırasy, 2 orıks buzaýy, 2 qonjyq, 2 bota ósip keledi», - dedi baspasóz qyzmetinen.
Qazir zoobaqta ómir qaınap jatyr.
Sońǵy ýaqytta demeýshiler tarapynan janýarlardyń kóp jyldan beri aýyspaǵan úıleri jańartylýda.
Haıýanattar baǵyn kóriktendirýge ákimdik te úlesin qosyp otyr. Ótken aptada soqpaqtarǵa asfalt, Arbattan alynǵan quıma tastar tóseldi.
