Almaty zoobaǵyna akýlalar men medýzalar jetkizildi
ALMATY. QazAqparat - 31 naýryz kúni Almaty zoobaǵynda jańa akvarıým ashylady, dep habarlaıdy QazAqparat tilshisi. Qaıta jóndelgen ekspozıtsııa jańa janýarlarmen tolyqty.
Janýarlar baǵyna kelýshiler alǵash ret teńizde mekendeıtin - aıly medýzalardy, kishigirim akýlalar men skattardy tamashalaı alady. Tuşy sýda ján teńizde mekendeýshilerdiń jalpy 140 túri jetkizildi.
«Endi munda muhıt sýyn mekendeıtin balyqtarmen qatar akýla, medýza, tropıkalyq balyqtar men basqa da ekzotıkalyq janýarlar meken etetin bolady. Olardy almatylyqtar tamashalaı alady», - dedi Almaty zoobaǵynyń eks-dırektory, máslıhat depýtaty Erjan Erkinbaev.
Aıta ketý kerek, buryn zoobaqta akvarıým ekzotarıýmnyń bir buryshynda ǵana edi. Birneshe aıǵa sozylǵan qaıta jańǵyrtý jumystary barysynda ǵımarat tolyǵymen qaıta jasalyp, ózgeshe sıpat aldy.
Ashylý saltanaty 31 naýryzda Almaty zoobaǵynda ótedi. 
