Almaty zoobaǵy jekemenshikke berilmeıdi - Baýyrjan Baıbek
ALMATY. QazAqparat - Almaty ákimi Baýyrjan Baıbek sońǵy kezderi BAQ nazaryna ilikken zoobaqty aralady.
Ákim zoobaq basshylyǵyna sońǵy jyldary oryn alǵan jaǵymsyz oqıǵalardyń ornyn toltyrý úshin birqatar máseleni sheshý kerektigin aıtty. Onyń ishinde qyzmetkerlerdiń jalaqysy bar.
Onyń aıtýynsha, zoobaq kommýnaldyq menshikte qalady.
«Halyqaralyq tájirıbe kórsetkendeı, basynda zoobaq kimniń menshiginde ekendigin sheship alý kerek. Búgin Partııanyń usynysyna oraı aıtarym, eshqandaı senimdi basqarýǵa berilmeıdi, ol kommýnaldy menshikte bolady. Zooparktaǵy jaǵdaı úshin jaýap beretin dırektor bar. Metsenattardyń kómegi qabyldanady. Biraq, zoobaqty jekemenshikke berýge bolmaıdy», - dep kesip aıtty ákim.
Qala basshysy óz kózimen kórgen kemshilikterin jipke tizip, zoobaq dırektory Kárimov Qanatqa tez arada joıýdy tapsyrdy.
