Almaty zoobaǵy pilder kúnin atap ótedi
ALMATY. QazAqparat - Almaty zoobaǵynda Búkilálemdik pilderdi qorǵaý kúni atap ótiledi, dep habarlaıdy QazAqparat tilshisi.
«Pilderdi ákelgeli beri olardyń kútimimen kıper Grıgorıı Beresnev aınalysyp júr. Ol janýarlardy tamaqtandyrady, jýyndyrady, tuıaǵyn jonyp-túzetedi, qaýmaldardy tazalaıdy. Pilder de oǵan úırenisip qalǵan. Grıgorıı jumysynan bosaǵan kezde, janýarlar tipti kóterilis jasaýǵa deıin bardy. Kıper jumysyna qaıta oralǵanda pilderdiń qýanyshynda shek bolmady. Pilderdiń arasynda ásirese Laony basqarý qıyn. Onymen tek Grıgorıı ǵana til tabysa alady», - deıdi Almaty zoobaǵynyń ókilderi.
20 maýsym kúni 11:00-de Almaty zoobaǵynda ótetin meıram aıasynda pilderdi quttyqtaýǵa bolady.
Pilderdi qorǵaý kúni - resmı mereke emes. Biraq bastamashyldar bul kúndi BUU-nyń resmı túrde bekitýi úshin áreket etip jatyr.
Foto: Mıhaıl Sorokoýmov
