Almaty zoobaǵy kishkentaı teńbilsherdi Aýstralııa dep atady
ALMATY. QazAqparat – Almaty zoobaǵy jańadan týǵan teńbilsherdiń tólin Aýstralııa dep atady, dep habarlaıdy QazAqparat tilshisi.
Janýardyń atyn áleýmettik jeli qoldanýshylary usynǵan bolatyn.
Zoobaq basshylyǵy kóp esimniń ishinen eki adamnyń usynysyn qabyldady.
«Kishkentaı ıagýarymyzǵa jańa esim tańdadyq!
Quttyqtaý joldap, óz pikirin bildirgen Qural Lesbekovtyń, @rominalamour usynysy boıynsha biz kishkentaı ıagaýardy Aýstralııa dep ataıtyn boldyq.
Alystaǵy qurlyqta sońǵy kúnderi oryn alǵan qıyn jaǵdaıǵa baılanysty biz bul usynysty kópshiliktiń oıyn eskere otyryp, qabyl aldyq», - dedi zoobaq basshylyǵy.
Aýstralııa esimdi kishkentaı janýar - qorshaǵan tabıǵatymyzdy qorǵaý barshamyz úshin qanshalyqty mańyzdy ekenin eske salyp turmaq.
Munyń aldynda zoobaqta teńbilsher kúshiktegenin jazǵan bolatynbyz.
