Almaty zoobaǵy Halyqaralyq qustar kúnin atap ótti
ALMATY. QazAqparat - 1 sáýir kúni barlyq adamzat Halyqaralyq qustar kúnin atap ótedi. Almaty zoobaǵy da merekeni ózderinshe atap ótti, dep habarlaıdy QazAqparat tilshisi.
Almaty zoobaǵynda 35 jyl ómir súrgen Býhtelka degen túıequs bar. Ol sońǵy ret 2001 jyly balapan basyp shyǵarǵan. Mundaı túıequstar 20-25 jyl ǵana ómir súredi. Byltyr zoobaqqa Barnaýyldan taǵy 5 emý túıequsy ákelindi.
«Bul jas qustar, jastary - tórtte. 8 naýryzda olar tuńǵysh balapan basyp shyǵardy. Olardyń artynan 4 balapan jarylyp shyqty. Qazir olar sektsııa mamandarynyń qaraýynda. Ázirge jynysyn anyqtaý múmkin emes», - dedi zoobaq dırektorynyń mindetin atqarýshy Aıgúl Tóleeva.
Emý buǵan deıin túıequs tektes qustarǵa jatqyzylyp kelgen. 1980 jyly olardy ǵalymdar kazýar tektes qustar sanatyna jatqyzdy.
Emýdi tuńǵysh ret 1696 jyly Avstralııanyń batys jaǵalaýynda ómir súrip jatqan jerinen eýropalyq qonystanýshylar kórgen.
Eń alǵashqy ǵylymı zertteý jumysy 1789 jyly jasalǵan. Ol kezde atalmysh qustardyń 6 túri bolǵan. Biraq olardyń barlyǵyn derlik azyq-túlik izdegen jergilikti turǵyndar joıyp jibergen.
«Emý» sózi parsy tilinen aýdarǵanda alyp qus degendi bildiredi.
