Almaty zoobaǵy EAZA uıymyna turaqty múshelikke ótýi múmkin
ALMATY. QazAqparat - Eýropalyq zoobaqtar men akvarıýmdar qaýymdastyǵynyń ókili, Zoo Nordens Ark Swede dırektory Mets Hegren Almaty zoobaǵyna jumys saparymen keldi, dep habarlaıdy QazAqparat tilshisi.
EAZA delegatsııasy qar barystaryna arnalǵan volerlerdi qaraý úshin, kollektsııa tolyqtyrý úshin ári zoobaqtyń ahýalymen tanysýǵa keldi.
Eýropalyq uıym zoologııalyq uıymdardyń jumysyn EAZA standarttaryna sáıkes qylý úshin kýratorlyqpen aınalysady.
Delegatsııa músheleri 2020 jylǵa taman Almaty zoobaǵynyń EAZA turaqty músheligine ótýge múmkindigi bar dep baǵalady.
Bul óz kezeginde janýarlardy ózara almasýda jeńildikter men qyzmetkerlerdiń biliktiligin arttyrýǵa septigin tıgizbek.
Odan bólek Almaty zoobaǵy ýkraınalyq «Feldman ekopark» qoǵamdyq uıymymen ózara yntymaqtastyq týraly memorandýmǵa qol qoıdy.
«Qos tarap bıologııalyq ártúrliliktiń saqtalýy, zoobaqtar men tuqym ósirý sharýashylyǵyn damytý, jabaıy tabıǵatty qorǵaýdaǵy yntymaqtastyq, janýarlardy kútip-baǵý boıynsha yntymaqtastyq ornatamyz dep ýaǵdalasty»,- dedi Almaty zoobaǵynyń atqarýshy dırektory Aıgúl Túleeva.
Bıyl Almaty zoobaǵynda 22 nysan qaıta jasalady. Byltyr akvarıým, ekzotarıým, pilderdiń qysqy jataǵy, maımyldardyń qorshaýy, jyrtqyshtar úıi, qustarǵa arnalǵan qysqy oryn jóndelgen bolatyn.
«Shaqyrylǵan delegatsııa zoobaqtaǵy ózgeristerdi oń baǵalady. Burynǵy eskertýlerdiń barlyǵy joıyldy»,- dedi Aıgúl Týleeva.
