Almaty zoobaǵy bolashaqta qalaı ózgeredi
ALMATY. QazAqparat - Almaty zoobaǵy jańa kelbetke ıe bolmaq. Nysandy qaıta jańǵyrtý úshin demeýshiler 223 mln teńge aýdardy, dep habarlaıdy QazAqparat tilshisi.
«Zoologııalyq baqti úlken ózgerister kútip tur. Qazirgi tańda jumys bastalyp ketti. Zoobaq basshylyǵy kúzde qar barysyn qaıtarý týraly jańa baǵdarlama bastamaq. Bul ózgeristerdiń alǵashqysy ǵana», - dedi zoobaq basshysy Vıacheslav Banşıkov.
Qaıta jańǵyrý baǵdarlamasyna qarajatty kóbinese bıznesmender jiberýde.
Zoobaq dırektory Vıacheslav Banşıkovtyń bastamasymen baq terrıtorııasy abattandyryla bastady. 10500 metr asfalt, 6288 metr bordıýr tóseldi. Buǵan 57 mln teńge qarajat jumsaldy. Ortalyqta quny 20 mln teńge bolatyn qurǵaq sýburqaq salý josparlanǵan. Quny 3,5 mln teńge bolatyn aspashamdar aýystyryldy. 35 kólik qara topyraq ákelindi.
Jaqyn arada zoobaqta jańa medıtsınalyq pýnkt ashylady. Oǵan 3 mln teńge jumsalady. Sonymen qatar, ana men bala bólmesi jasaqtalady. Oǵan 4,4 mln teńge qarastyrylǵan. Zoobaq kelýshilerine arnalǵan demalys aýmaqtary salynyp, ol jerde tegin sý beriledi.
Zoobaqtyń ınjenerlik jelileri 30 jyldan beri jańartylmaǵan. Olardy aýystyrýǵa 41 mln teńge qarastyrylǵan. Odan bólek annotatsııa- etıketkalardy aýystyrýǵa, amfıteatr, kireberis dızaınyn jetildirýge qarajat bar.
Aıta ketsek, búginde zoobaqta 375 janýardan 3447 túri bar. Janýarlar 6 ekspozıtsııaǵa bólingen. Onyń ishinde Qazaqstan qyzyl kitabyna engen 25 janýar kezdesedi.
