Almaty zoobaǵy Aıshýaq atty tólmen tolyqty

ALMATY. QazAqparat- Almaty zoobaǵynda lama tóldedi. Oǵan zoobaq qyzmetkerleri Aıshýaq degen at berdi, dep habarlaıdy QazAqparat tilshisi.

«2 maýsym kúni zoobaǵymyzdaǵy lamalar – Dastan men Marsı jubynda kishkentaı lama ómirge keldi. Biz oǵan Aıshýaq dep at qoıdyq. Túsi qyzǵylt sary, aspandaǵy aıdyń shýǵanydaı bolǵan soń osylaı atadyq. Onyń kózderi erekshe tunyq, kirpikteri de uzyn. Qulaqtary úlken, aıaqtary jińishke»,- dep habarlady Almaty zoobaǵynyń qyzmetkerleri.

Aıshýaq qazir ózin óte jaqsy, sergek sezinedi eken. Sekirip oınap, ata-anasyna erkeleıdi.

«Lamalar túrli shóptermen qorektenedi. Suly jarmasyn, kartop, sábiz, qyzylshany da jaqsy jeıdi. Sonymen qatar, olardyń qorekterine bor men tuz qosyp beremiz. Aıshýaq áli de anasynyń sútin emedi. Arasynda úlken lamalar sııaqty shóp pen jemis-kókónisterdiń dámin tatyp júr»,- dep atap ótti zoobaqtan.