Almaty zoobaǵy arystannyń ólgen kúshigine baılanysty túsinik berdi
ALMATY. QazAqparat – Almaty zoobaǵynda arystannyń ólgen kúshiginiń sýreti kópshiliktiń alańdaýshylyǵyn týdyrdy, dep habarlaıdy QazAqparat tilshisi.
Bul sýretterdi áleýmettik jelide Vladımır Kalıýp jarııalaǵan bolatyn.
Ol qala ákimine zoobaqtaǵy tozyǵy jetken karantındik-emdeý aýmaǵyn jasaqtaýǵa qarajat bólýdi surady.
Almaty zoobaǵy bul sýretke qatysty túsinik berdi. Olardyń aıtýynsha, bul - eski sýret.
«Afrıka arystanynyń «Assol» atalǵan kúshigi Almaty zoobaǵyna 18 maýsymda 7-8 aılyǵynda túsken. Zoobaq veterınarlary tolyq tekserý jasady. Sol kezde mamandar leptospıroz, psevdotýberkýlez, pasterellez, ıersınıoz, panleıkopınııa, ótkir kataraldy gemorrogııalyq enterıt, kataraldy gastrıt, gemmorragııalyq lımfadenıt, júreginiń úlkeıýi, kataraldy tsıstıt, baýyr, búırek dıstrofııasy, tik ishektiń jarasy degen dıagnoz qoıyldy. Em tolyq jasaldy. Oǵan qaramastan taǵy ań kúshigi byltyr 9 shildede ólgen bolatyn», - dedi zoobaqtan.
Sonymen qatar, 2020 jyly zoobaq damýynyń josparyna sáıkes jańa veterınarlyq bólim qurylysyna jobalyq smetalyq qujattama jasalǵan.
«Ókinishke oraı, 2020 jyly naýryzda COVID-19 pandemııasyna baılanysty tótenshe jaǵdaı jarııalanǵan bolatyn. Soǵan baılanysty qurylys jumystary toqtatyldy. Qazirgi tańda Almaty zoobaǵynyń veterınarlyq bólimi barlyq jabdyqtarmen qamtylǵan. Rentgen apparat, ÝZD apparat, oksıgenerator, monıtor, vıdeo endoskop, EKG apparat, IVL apparat, ıngalıatsııalyq narkoz apparaty, dári dármek barlyǵy bar», - dedi zoobaqtan.
