Almaty jylytý maýsymyna 88%-ǵa daıyn
ALMATY. QazAqparat – Almaty jylytý maýsymyna 88%-ǵa daıyn. Bul týraly qalalyq Energetıkalyq tıimdilik jáne ınfraqurylymdyq damý basqarmasynyń basshysy Áset Masabaev aıtty, dep habarlaıdy QazAqparat tilshisi.
«Qaladaǵy turǵyn úıler, densaýlyq saqtaý, bilim berý nysandarynyń daıyndyǵy 88%-ǵa jetti. Al elektr jelileriniń daıyndyǵy 82%, al gaz jelileri 100%-ǵa daıyn», - dedi basqarma basshysy Áset Masabaev.
Onyń aıtýynsha, 20 qyrkúıekke deıin jylý jelilerindegi gıdravlıkalyq synaqtar aıaqtalady.
Osy ýaqytqa deıin almatylyqtardyń kommýnaldyq qyzmetterge qaryzy 4,5 mlrd teńgege jetken.
