Almaty jylytý maýsymyna 63 % daıyn
ALMATY. QazAqparat - Almaty aldaǵy jylytý maýsymyna 63 % daıyn, dep habarlaıdy QazAqparat tilshisi.
Bul týraly qala ákiminiń orynbasary Erlan Áýkenov daıyndyq jumystaryn tekserý barysynda málimdedi.
Qalalyq ákimdiktiń baspasóz qyzmeti taratqan aqparatqa sáıkes, bıyl qalada júrgizilgen ınjenerlik jelilerdiń kólemi tarıhta bolmaǵan kórsetkishke jetti.
«Bıyl Almatyda maýsymaralyq ýaqytta aýystyrylǵan jylý jelisiniń kólemi rekordty kórsetkishke jetti. 30 shaqyrymǵa sozylǵan magıstraldy jelini Keńes Odaǵy tusynda da aýystyrmaǵan», - dedi Erlan Áýkenov kóshpeli jıyn barysynda.
Qala bıligi osylaısha jalpy qala boıynsha tozǵan qubyrlardyń 10%-yn jańalaýdy kózdep otyr.
Bul qubyrlardaǵy apatty jaǵdaılardy azaıtyp, tutynýshyǵa beriletin jylýdy joǵaltýdyń aldyn alady.
Ákim orynbasarynyń aıtýynsha, qaladaǵy sý jelileriniń salyný kórsetkishi de rekordty buzǵan.
Bıyl Almatydaǵy sý jelileriniń jalpy uzyndyǵy 11,8% -ǵa, ıaǵnı 3 165 shaqyrymnan 3 539 shaqyrymǵa artady. Al káriz kanalynyń uzyndyǵy 20,7%-ǵa, ıaǵnı, 1 619-dan 1 955 shaqyrymǵa artady. 284 shaqyrymdyq jańa sý jelisin iske qosý ortalyq sýmen qamtý júıesine 35 myń úıdi qosýǵa múmkindik beredi.
E.Áýkenovtyń aıtýynsha, bıyl 317 shaqyrym sý jelisi men 265 shaqyrym káriz jelisine 25,5 mlrd teńge bólingen.
«Qazirgi tańda sý jelisiniń 55% daıyn, bolsa, káriz jelisiniń 59%-y daıyn», - dedi Áýkenov.
Ákimniń orynbasary bıyl Almaty qalasy jylytý maýsymyna 63%-ǵa daıyn ekendigin aıtty.
