Almaty jylý magıstralinde apat boldy
ALMATY. QazAqparat - Almaty qalasynyń Almaty aýdanyndaǵy ǵımarattardyń bir bóligi jylýdan ýaqytsha ajyratylǵan, dep habarlaıdy «QazAqparat» tilshisi.
«Almaty jylý jelileri» JShS baspasóz qyzmetiniń habarlaýynsha, qalanyń Almaty aýdanyndaǵy Raıymbek batyr-Qabdolov-Otarskaıa-Varlamov kósheleri sharshysynda ornalasqan ǵımarattardyń bir bóligi birneshe saǵatqa jylýdan ajyratylǵan.
Aldyn ala málimet boıynsha, ınjenerlik jelilerde shtattan tys jaǵdaı Ótegen batyr kóshesiniń batysyndaǵy Tóle bı kóshesinde ornalasqan tehnologııalyq jabdyqtardyń isten shyǵýy saldarynan bolǵan.
Qalanyń bul sektoryndaǵy tutynýshylarǵa jylý men jyly sýdy berý barlyq apattyq jumystardy júrgizý aıaqtalǵan soń, shamamen búgin saǵat 20:00-ge qaraı qalpyna keltiriledi.
«Jylý berýdi ýaqytsha toqtatý turǵyn úıler men basqa nysandardaǵy temperatýralyq rejımge áser etpeıdi» dep senimdi jylý berýshiler.
Avtor: Albert Ahmetov
