Almaty jurty Sapporadan kelgen sportshylardy saltanatpen qarsy aldy
Konkımen júgirý sporty boıynsha 3-oryndy jeńip alǵan almatylyq Fedor Mezentsev Japonııada atalǵan sport boıynsha jankúıerlerdiń kóptigi erekshe áser etkenin aıtty. 
«Bizdiń saıystar Sapporonyń ózinde ótken joq. Bizben saıysqan sport nysany Sapporodan 200 shaqyrym qashyqtyqtaǵy Abıhıroda ótti. Óte jaýapkershilikti saıys boldy. Bizdiń basty áleýetti qarsylastarymyz, álem boıynsha bul sport túrinen úzdikter sanalatyn japon, koreı sportshylary boldy. Onyń ishinde, 1000, 1500 metr qashyqtyqtaǵy saıysta olar shynymen de jaqsy nátıjelerimen tanymal.
Men óz nátıjeme rızamyn. Qýanyshymda shek joq. Toppen jarysýda da qolaǵa qol jetkizdik. Abıhırodaǵy jankúıerlerdiń kóptigi qýantty. Bizde Medeýde ondaı kórermendi jınaý qıyn. Kire beristegi kezekti kórdik, kire almaǵandar translıatsııany daladan kórip turdy», - deıdi sportshy. 
Aıta keteıik, atalǵan Azııada oıyndarynda tramplınmen sekirýden almatylyq Sabyrjan Múminov pen Konstantın Sokolenko ekinshi orynǵa qol jetkizdi. 
Jalpykomandalyq esep boıynsha, qysqy Azıada oıyndarynda Qazaqstan quramasy medaldar sany boıynsha 4-shi orynnan kórindi.
Qazaqstan quramasynyń qorjynynda 9 altyn, 11 kúmis, 12 qola medal bar. Komandalyq esep boıynsha, 1-shi orynda japon sportshylary bolsa, koreı jáne qytaı sportshylary 2,3-shi oryndardy ıelendi.
