Almaty jurtshylyǵy tanymal telejýrnalıst Dúkesh Báıimbetovty sońǵy saparǵa shyǵaryp saldy

Qazaqstan  teleradıokorporatsııasynda ótken qoshtasýǵa Dúkesh Báıimbetovtyń  týǵan-týystary men dostary, áriptesteri men qyzmettes bolǵan joldastary jáne kóptegen shákirtteri qatysty.

 Qaraly jıynda Qazaqstan Jýrnalıstıka akademııasynyń prezıdenti Saǵymbaı Qozybaev: «Qazaqstandyq jýrnalıstıkanyń juldyzy sóndi, degenmen onyń artynda myńdaǵan shákirtteri, óshpes eńbekteri  qaldy. Dúkesh Álıuly «úlken júrekti» adam bolǵan edi, ol sanaly ǵumyryn televıdenıege arnap, osy sala mamandaryn daıyndaýǵa úlken úles qosty. Sheberligi men bilimin jas áriptesterine úıretip ketti. Myńdaǵan mamandar ol kisini ustaz sanaıdy. Búginde kóptegen jýrnalıster   Dúkesh Báıimbetovtyń mektebinen ótti dese bolady»,-dep atap ótti.

 Jıyn barysynda Memlekettik hatshy Muhtar Qul- Muhamedtiń, Mádenıet jáne aqparat mınıstri Darhan Myńbaıdyń, Májilis Tóraǵasy Nurlan Nyǵmatýllınniń, Astana, Pavlodar jáne t.b oblys ákimderinen kelgen kóńil aıtý jedelhattary oqyldy.

 Dúkesh Álıuly kásibı sheberligi shyńdalǵan, óz salasynyń naǵyz sheberi bolǵan. Eńbek jolyn Aqmola oblystyq radıosynda bastaǵan ol keıin sol kezdegi Tselınograd telearnasynda júrgizýshisi boldy. Kóptegen jyldar Qazaqstannyń ortalyq televızııasynda, «Ostankınoda» jumys istedi. Tilshi retinde Qazaqstannyń barlyq túkpirlerinde boldy. Memleket basshysy Nursultan Nazarbaevtyń sheteldik saparlary týraly reportajdar jasap, álemniń 30-dan astam elin aralap shyqty. Óziniń kásibı joly týraly «Chto ostalos za kadrom» jáne «V kadre ı za kadrom» atty eki kitap shyǵardy.